Covid-19-a qarşı yeni trilyon dollarlıq təşviq paketi üçün danışıqlar başlayıb

Covid-19-a qarşı yeni trilyon dollarlıq təşviq paketi üçün danışıqlar başlayıb

ABŞ-da Covid-19-a qarşı yeni trilyon dollarlıq təşviq paketi üçün danışıqlar başlayıb
Fins.sz "Bloomberg"-ə istinadən xəbər verir ki, ABŞ Maliyyə Naziri Steven Mnuchin, yeni tip koronavirusun (Kovid-19) yayılmasının qarşısının alınması üçün istifadəyə verilməsi planlaşdırılan və bu gün başlayan danışıqların 1 trilyon dollardan başlayacağını və təşviq paketinin əsas diqqətini uşaqlar, məşğulluq və Kovid-19 peyvəndi olacaqlarını bildirib.
Mnuchin, ABŞ Prezidenti Donald Trumpın Ağ Evdə Respublika Konqres üzvləri ilə görüşündən sonra açıqlamalar verib.

Mnuchin, Covid-19 epidemiyası ilə mübarizə çərçivəsində həyata keçirməyi planlaşdırdıqları yeni təşviq paketi üçün son 2 həftə boyunca səylə çalışdıqlarını və təşviq paketi təklifini 1 trilyon dollarla başlamağa yönəldiklərini və bunun böhran vəziyyətinə çox yaxşı təsir edəcəyini vurğulayıb

Mnuchin, "Dediyim kimi, diqqət uşaqlara, məşğulluğa və peyvəndlərə yönəldilmişdir. İlin sonunadək təcili istifadə üçün peyvəndimiz olduğuna əmin olacağıq. Sadəcə prezidentə və vitse-prezidentə məlumat verdik, təsdiqlədilər." deyib.

Mnuchin, sabah respublikaçılara mövzu ilə bağlı məlumat verəcəklərini və bundan sonra danışıqlara başlamaq üçün demokratlarla görüşəcəklərini bildirib.

Mnuchin, işsizlik sığortası müddətinin sona çatmamışdan əvvəl işsiz qalan Amerikalıları qorumaq üçün yeni təşviq paketi haqqında qanunu bu ayın sonunadək qəbul etməyə qərarlı olduqlarını vurğulayıb.

Yeni paketin məzmunu ilə bağlı məlumatları bölüşən Mnuchin qeyd etdi ki, müəssisələri işlərinə qayıtmağa təşviq edəcək vergi endirimləri olacaq.

Təhlükəsiz məktəblərin açılması və təhsillərin davam etdirilməsi üçün vilayətlər üçün böyük stimulların olacağını bildirən Mnuchin, kiçik hadisələrin məktəblərin, universitetlərin və iş yerlərinin yenidən açılmasının qarşısını almamasına əmin olmaq istədiklərini deyib.

Müəllif: Aynur Qəniyeva