"Neftçi"nin məşqçisindən qələbə şərhi

"Neftçi"nin məşqçisindən qələbə şərhi

"Vacib 3 xal qazandıq. Buraya qələbə üçün gəlmişdik və onu da bacardıq. Futbolçularımızın hamısına təşəkkür edirəm. "Sumqayıt"la növbəti tur oyununa bu gündən hazırlaşacağıq".

Milli.Az qol.az-a istinadən xəbər verir ki, bu sözləri "Neftçi"nin məşqçisi Vəfadar Quliyev Azərbaycan Premyer Liqasının 26-cı turunda "Səbail"ə 4:0 hesabı ilə qalib gəldikləri matçdan sonra mətbuat konfransında deyib.

Quliyev Yusuf Lavalın vurduğu qolu onunla qeyd etməsinə münasibət bildirib: "Uşaqlarla zarafat edirdik. Güya mən hamıya demişəm ki, mənə tərəf gəlsin. Amma belə bir şey olmayıb. Bəlkə də demişəm, yadımdan çıxıb. Səlahət Ağayevlə bir az zarafatımız oldu. Dedi ki, müəllim, bütün komandaya demisiniz? Bəlkə də motivasiya üçün demişəm. Məncə, kim qol vursaydı, qeyd etməyə gələcəkdi".