İdmançılarımız bədii gimnastika üzrə Avropa çempionatının finalına çıxıblar (FOTO)

İdmançılarımız bədii gimnastika üzrə Avropa çempionatının finalına çıxıblar (FOTO)

Bakı. Cani Babayeva - Trend:

Azərbaycan idmançıları Zöhrə Ağamirova və Arzu Cəlilova Varnada şəhərində (Bolqarıstan) keçirilən bədii gimnastika üzrə 37-ci Avropa çempionatının çoxnövçülük proqramı üzrə finalına çıxıblar.

Trend-in məlumatına görə, təqdim olunan dörd hərəkətlərdən ən yaxşı üç nəticənin nəzərə alındığı çoxnövçülükdə Zöhrə Ağamirova 72.700 xal toplayaraq 12-ci yeri tutdu.

Arzu Cəlilovanın üç məşq üzrə nəticəsi 67.350 xal olub, gimnastımız 20-ci yeri tutdu.

Qeyd edək ki, 12 iyunda keçiriləcək çoxnövçülük proqramı üzrə finalda 24 idmançı mübarizə aparacaq. Sabah, çempionatda həmçinin seçmə mərhələsində Azərbaycan komandası qrup hərəkətlərində çıxış edəcək.