"Zeytun" apteklə bağlı qərar verildi

"Zeytun" apteklə bağlı qərar verildi

Yasamal Rayon Məhkəməsində "Zeytun Pharmaceuticals" MMC barəsində tərtib edilən cərimə protokoluna baxılıb.

Pravda.az-ın əldə etdiyi məlumata görə, hakim Murad Məmmədovun sədrliyi ilə keçirilən prosesdə qərar elan olunub.

Qərara əsasən, şirkətin barəsində inzibati tənbeh tətbiq edilib, yəni cərimə kəsilib.

Qeyd: "Zeytun Pharmaceuticals" MMC-nin barəsində müvafiq qurum tərəfindən İnzibati Xətalar Məcəlləsinin 211.3-cü (Epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə inzibati protokol tərtib edilib. Daha sonra protokol baxılması üçün Nərimanov Rayon Məhkəməsinə göndərilib.

Xatırlatma: "Zeytun Pharmaceuticals" MMC-yə daha əvvəl eyni xəta ilə bir neçə dəfə cərimə protokolu yazılıb.

Qeyd: "Zeytun Pharmaceuticals" MMC-nin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinin kommersiya qurumlarının dövlət reyestrində Bəhruz Şirəliyevə məxsus olduğu qeyd olunub. Şirkətin nizamnamə kapitalı 2 000 manat, dövlət qeydiyyatına alındığı tarix isə 09.10.2014-cü ildir.

Kamal Məmmədov