Fulya Öztürk: “Qələbədən sonra Azərbaycan xalqının bu coşğusu məni duyğulandırdı“

Fulya Öztürk: “Qələbədən sonra Azərbaycan xalqının bu coşğusu məni duyğulandırdı“

"Bu gün Azərbaycan tarixi üçün çox əhəmiyyətli bir gündür. Buradaki azərbaycanlı dostlarımızın 28 May - Müstəqillik günü münasibətilə bu sevinci və coşğusu məni duyğulandırdı"

Bu fikirləri "Report"un yerli bürosuna türkiyəli jurnalist Fulya Öztürk bildirib.

Fulya Öztürk qeyd edib ki, İkinci Qarabağ Müharibəsi zamanı şahid olduğu hadisələrin fonunda bugünkü Zəfər və Azərbaycanın 104-cü Müstəqillik gününün bu cür qeyd edilməsi sevindirici haldır:

"28 May münasibətilə azərbaycanlı ictimai xadimlər, jurnalist və diplomatlarla bir araya gələrkən 2 il öncə müharibə zamanı şahid olduğumuz hadisələr gözümün önünə gəldi. Bu gün isə qardaş Azərbaycanın Zəfərlə birgə qeyd etdiyi Müstəqillik günü məni olduqca xoşbəxt etdi".