İraq gündəlik neft istehsalını səkkiz milyon barelə çatdırmaq istəyir

İraq gündəlik neft istehsalını səkkiz milyon barelə çatdırmaq istəyir

İraqın neft naziri İhsan Əbdülcabbar Fransanın Energetika və İqtisadiyyat nazirliklərinin rəsmiləri ilə keçirdiyi görüşdə 2022-2028-ci illər ərzində planlaşdırılan xam neft hasilatının gündə 8 milyon barelə çatdırılmasını açıqlayıb.

Operativ.tv SalamNews Sumariya Agentliyinə istinadən xəbər verirki, bu barədə İraqın Neft Nazirliyinin Mətbuat Xidmətindən məlumat verilib.

“Görüşdə neftə və qaza investisiya qoyuluşu ilə yanaşı, əl-Ənbar və Diyala əyalətlərində qaz yataqlarının işlənməsi planlarının tamamlanması və İraqın qaz hasilatında potensial imkanları müzakirə edilib”, deyə Neft naziri İhsan Əbdülcabbar İsmayıl deyib ki, 2022-2028-ci illər ərzində planlaşdırılan xam neft hasilatının gündə 8 milyon barelə çatdırılması nəzərdə tutulub.

Neft naziri İraqın “OPEC+” təşkilatında ikinci istehsalçı olduğunu deyib və “OPEC”də oynadığı roldan danışıb.

Qeyd edək ki, Ukrayna müharibəsindən sonra Qərb dövlətləri neft hasilatının artırılması ilə bağlı ərəb dövlətləri ilə təmaslarını artırıblar.