Madrid NATO-nun tarixi sammitinə ev sahibliyi edəcək

Madrid NATO-nun tarixi sammitinə ev sahibliyi edəcək

İspaniyanın NATO-ya qəbul olmasının 40-cı ildönümü ərəfəsində - iyunun 29-30-da Madriddə Şimali Atlantika Alyansının tarixi sammiti keçiriləcək.

AZƏRTAC xəbər verir ki, Madrid tarixdə ikinci dəfə NATO sammitinə ev sahibliyi edəcək.

Sammitdə 30 müttəfiq ölkənin dövlət və hökumət başçıları, eləcə də Alyansın digər əsas tərəfdaşları bir araya gələcəklər.

Sammitdə ABŞ Prezidenti Co Baydenin iştirakı da gözlənilir. Ukrayna Prezidenti Volodimir Zelenski sammit iştirakçılarına videokonfrans vasitəsilə müraciət edəcək.

NATO müttəfiqləri ən aktual təhlükəsizlik məsələlərini, o cümlədən Ukraynada hərbi əməliyyatları, NATO-nun yeni Strateji Konsepsiyasına dəstək məsələləri müzakirə edəcəklər.

Nigar Cəfərli

AZƏRTAC-ın xüsusi müxbiri

Madrid