Moskvada tank biatlonu başlanır - Hərbçilərimizə uğurlar!

Moskvada tank biatlonu başlanır - Hərbçilərimizə uğurlar!

Bu gün Rusiyanın Moskva şəhərinin Alabino hərbi poliqonunda "Beynəlxalq Ordu Oyunları - 2022" yarışları çərçivəsində "Tank biatlonu" müsabiqəsi keçiriləcək.

Yarışlarda iştirak edəcək komandaların püşkatma mərasimi avqustun 9-da keçirilib. Bu barədə Müdafiə Nazirliyindən məlumat verilib.

Komandaların rəhbərləri, məşqçilər və hakimlərin iştirak etdiyi püşkatmanın nəticələrinə əsasən Azərbaycan tankçıları avqustun 13-də - yarışların birinci günündə çıxış edəcəklər. Komandamız Monqolustandan olan tank heyəti ilə yarışacaq.

Qeyd edək ki, "Beynəlxalq Ordu Oyunları-2022" yarışları çərçivəsində Azərbaycanın Xəzər dənizindəki ərazi sularında keçiriləcək "Dəniz kuboku" müsabiqəsində iştirak etmək üçün Qazaxıstan Hərbi Dəniz Qüvvələrinin (HDQ) gəmiləri və şəxsi heyəti ölkəmizə gəliblər.

Xatırladaq ki, "Beynəlxalq Ordu Oyunları-2022" yarışları 12 dövlətin ərazisində keçiriləcək: (Azərbaycan, Əlcəzair, Ermənistan, Belarus, Venesuela, Vyetnam, İran, Hindistan, Qazaxıstan, Çin, Rusiya, Özbəkistan). İlk dəfə olaraq Cənubi Amerika materikində oyun yarışlarından biri keçiriləcək.