“Azərkosmos” lazer rabitəsini gücləndirmək niyyətindədir

“Azərkosmos” lazer rabitəsini gücləndirmək niyyətindədir

Rəqəmsal İnkişaf və Nəqliyyat Nazirliyi yanında Kosmik Agentliyi ("Azərkosmos") lazer rabitəsini yaxşılaşdırmaq və yerüstü stansiyasında optik şəbəkə qurmaq niyyətindədir.

Musavat.com “report”a istinadən xəbər verir ki, bunu “Azərkosmos”un aparıcı biznes təhlilçisi Lalə Həsənzadə deyib.

L.Həsənzadə hesab edir ki, kosmik sənayenin sürətli inkişafı yeni imkanlar axtarışına sövq edir:

“Biz yeni imkanların axtarışında çox iştirak edirik. Çünki bazar böyüyür və bunun üçün biz də təşkilatımızı təkmilləşdirməyə çalışmalıyıq. Lazer rabitəsini yaxşılaşdırmaq üçün yerüstü stansiyamızda optik şəbəkə qurmaq istəyirik.

Yaradıcılıq sektorumuzda gənclərin böyük nəhəng layihələri var. Bu, yerüstü stansiyamıza böyük töhfə olacaq. Qeyd etdiyim kimi, əsas işimiz optik yerüstü stansiyanın qurulmasıdır.

Bu yeni bazardır və biz bu fürsəti araşdırırıq və stansiyamızı optik şəbəkə şəraitində təkmilləşdirməyə hazırıq”.